የአፍሪካ ህብረት በኮንጎ ዲሞክራሲያዊት ሪፐብሊክ የሚንቀሳቀሰው ኤም23 አማጺ ትጥቅ እንዲፈታ እና ወደ ውይይት እንዲገባ ጥሪ አቀረበ

የአፍሪካ ህብረት በኮንጎ ዲሞክራሲያዊት ሪፐብሊክ የሚንቀሳቀሰው ኤም23 አማጺ ትጥቅ እንዲፈታ እና ወደ ውይይት እንዲገባ ጥሪ አቀረበሰኞ ዕለት የኤም23 ንቅናቄ አባላትን የሚያካትተው የአማፂያን ጥምረት በምስራቅ ኮንጎ ትልቋን ከተማና የሰሜን ኪቩ ግዛት ዋና ከተማ የሆነችውን ጎማን መያዙን ተናግሯል። የተባበሩት መንግስታት ድርጅት ዋና ፀሃፊ አንቶኒዮ ጉተሬዝ ሩዋንዳ ወታደሮቿን ከኮንጎ ዲሞክራሲያዊ ሪፐብሊክ እንድታስወጣ ጥሪ አቅርበዋል። "የአፍሪካ ህብረት የፖለቲካ ጉዳዮች፣ የሰላምና የፀጥታ ኮሚሽነር ባንኮሌ አዶዬ፤ በኤም 23 እና በሌሎችም አሉታዊ ኃይሎች የተፈጸመውን ጥቃት አውግዘው የኮንጎ ዲሞክራሲያዊ ሪፐብሊክ ሉዓላዊነት፣ አንድነት እና የግዛት አንድነት ሙሉ በሙሉ እንዲከበር ጥሪ አቅርበዋል። ኤም 23 የጦር መሳሪያውን እንዲያስቀምጥ፣ በጎርጎሮሳውያኑ ነሃሴ 2024 የተደረሰውን የተኩስ አቁም ስምምነት እንዲያከብር እና ለሰላማዊ መፍትሄ ቅድሚያ እንዲሰጥ አሳስበዋል" ሲል የአፍሪካ ህብረት ኮሚሽን የፖለቲካ ጉዳዮች ዲፓርትመንት ማክሰኞ ዕለት በኤክስ ማህበራዊ ትስስር ገጹ ገልጿል።አዶዬ አክለውም የኮንጎ ዲሞክራሲያዊ ሪፐብሊክ ባለሥልጣናትን ለመደገፍ እና በተቃዋሚ ወገኖች መካከል ውይይት ለማሳከት የናይሮቢ የሰላም ኢኒሺየቲቭ ሥራውን እንደገና እንዲጀመር ጠይቀዋል።በእንግሊዘኛ ያንብቡ መተግበሪያውን አሁኑኑ ያውርዱ፦ APK ፋይል ሊንክስፑትኒክ ኢትዮጵያን ይወዳጁ @sputnik_ethiopia