የኢትዮ-ቻይና ዲፕሎማሲያዊ ግንኙነት የተጀመረበት 55ተኛ አመት መከበር ጀመረ

የኢትዮ-ቻይና ዲፕሎማሲያዊ ግንኙነት የተጀመረበት 55ተኛ አመት መከበር ጀመረይህ በአል የተከበረው  አዲስ አበባ በሚገኘው የወዳጅነት አደባባይ ፓርክ ውስጥ ነው። በኩነቱ ላይ በአዲስ አበባ የሚገኙ ቻይናውያን አዲስ አመታቸውን አክብረዋል።ኩነቱ ምክትል የውጭ ጉዳይ ሚኒስትር ምስጋኑ አረጋ፣ በኢትዮጵያ የቻይና አምባሰደር ቼን ሃ፣ የአዲስ አበባ ዩንቨርስቲ ፕሬዝዳንት ሳሙኤል ክፍሌ እና የቀድሞ የህዝብ ተወካዩች ምክርቤት አፈጉባኤ ፤ የዲቦራህ ፋውንዴሽን መሰራችን እና ሊቀመንበር አባዱላ ገመዳ እና ጥሪ የተደረገላቸው እንግዶች ታድመውበታል።ኩነቱን በንግግር የከፈቱት አምባሳደር ምስጋኑ አረጋ በንግግራቸው በሁሉም ዘርፍ በኢትዮጵያ እና ቻይና መሀከል  "በሁሉም ሁኔታዎች ውስጥ ያለውን የእስትራቴጂክ አጋርነት" የማይቀየር እና ጥብቅ መሆኑን ተናግረዋል።ሚኒስትሩ ጨምረውም ባለፉት አምስት አስርት አመታት ሁለቱ ሀገራት የሁለትዮሽ ግንኙነታቸውን ለማሳደግ በጥንካሬ ሲሰሩ ነበር ብለዋል።"ለጎርጎሮሳውያኑ 2025 አዲስ አመት ባስተላለፉት መልእክት የቻይናው ፕሬዝዳንት ሺ ጂፒንግ የቻይናን አዲስ የዘመናዊነት ጉዞ መጀመርን አብስረዋል" ያሉት አምባሳደሩ ጨምረውም " ይህንን 55ተኛ በአል  FOCAC ጉባኤ ውጤቶች ወደ ተግባር ለመለወጥ  እንደ መነሻ ነጥብ ያገለግላል፤ በሁለቱ ሀገራት መሀከል የተፈረመውን ስምምነት ወደ ዘመናዊ ለማሳደግ ይረዳል" በማለት አምባሳደሩ ተናግረዋል።ሁለቱም ሀገራት የብሪክስ አጋርነት አባልነታቸው ግንኙነታቸውን ይበልጥ ያሳድገዋል። በኩነቱ ላይ ከሁለቱም ሀገራት በተወጣጡ የባህል ቡድኖች ባህላዊ ጭፈራዎች ቀርበዋል በማለት ፋና ዘግቧል። መተግበሪያውን አሁኑኑ ያውርዱ፦ APK ፋይል ሊንክስፑትኒክ ኢትዮጵያን ይወዳጁ   @sputnik_ethiopia