የደቡብ አፍሪካ ፖሊስ ሕገ-ወጥ ሰው አዘዋዋሪዎች ናቸው ተብለው በተጠረጠሩ ግለሰቦች እርቃናቸውን የታሰሩ 26 ኢትዮጵያውያን ማዳኑን አስታወቀ

ሰብስክራይብ
የደቡብ አፍሪካ ፖሊስ ሕገ-ወጥ ሰው አዘዋዋሪዎች ናቸው ተብለው በተጠረጠሩ ግለሰቦች እርቃናቸውን የታሰሩ 26 ኢትዮጵያውያን ማዳኑን አስታወቀ እንደ ፖሊስ ገለጻ በሰሜናዊ ጆሃንስበርግ ሳንድሪንግሃም ሰፈር በሚገኘው መኖሪያ ቤት፤ 15 የኢትዮጵያ ዜጎች ናቸው ተብለው የተገመቱ ግለሰቦች እርቃናቸውን ታስረው ተገኝተዋል። ለማምለጥ የሞከሩ ሌሎች 11 ሰዎች ከባድ የአካል ጉዳት ደርሶባቸው ወደ ሆስፒታል ተወስደዋል። ሌሎች ሶስት ኢትዮጵያውያን በሕገ-ወጥ የሰው ዝውውር እና ያለፈቃድ ሽጉጥ በመያዝ ተጠርጥረው በቁጥጥር ስር ውለዋል። ፖሊስ በቤቱ ላይ ኦፕሬሽን ከማካሄዱ በፊት ያለ ልብስ እና ሰነድ ከተያዙበት ክፍል፤ 30 የሚሆኑ ወንዶች በመስኮት አምልጠዋል ብሎ እንደሚያምን ፖሊስ አስታውቋል። ያመለጡት ግለሰቦች በአካባቢው ተደብቀው ሊሆን እንደሚችልም ፖሊስ ጠቁሟል። አብዛኞቹ ታሳሪዎች እንግሊዘኛ እንደማይናገሩ የገለጹት ኮሎኔል ፊላኒ ንኳላሴ፤ ከሱጡት ቃል መረዳት የተቻለው አልባሳት የሚሰጣቸው ከቤት ሲወጡ ብቻ ነው ብለዋል። ይህ መረጃ ፖሊስ ወደ 60 የሚጠጉ ሰዎች በቤቱ ውስጥ ተይዘው ነብር ብሎ ያስቀመጠው ግምት "ከእውነት የራቀ አይደለም" ተብሎ እንዲቆጥር አድርጎታል። የታሳሪዎቹ ማንነት እና እድሜ ዝርዝር እንዲሁም የታሰሩበት ጊዜ እና አላማ አልታወቀም።በእንግሊዘኛ ያንብቡ መተግበሪያውን አሁኑኑ ያውርዱ፦ APK ፋይል ሊንክስፑትኒክ ኢትዮጵያን ይወዳጁ @sputnik_ethiopia
አዳዲስ ዜናዎች
0