የሩሲያ መርማሪዎች በዶንዬትስክ ህዝቦች ሪፐብሊክ በሩሲያ ጋዜጠኞች ላይ በተፈፀመው የሰው አልባ አውሮፕላን ጥቃት የወንጀል ክስ ከፈቱ

የሩሲያ መርማሪዎች በዶንዬትስክ ህዝቦች ሪፐብሊክ በሩሲያ ጋዜጠኞች ላይ በተፈፀመው የሰው አልባ አውሮፕላን ጥቃት የወንጀል ክስ ከፈቱ" የሩሲያ የምርመራ ኮሚቴ ዋና የምርመራ ክፍል በሩሲያ የወንጀል ህግ አንቀጽ 105 እና 167 (ግድያ እና ሁለት ወይም ከዚያ በላይ ሰዎችን የመግደል ሙከራ፤ ሆን ተብሎ በንብረት ላይ ጉዳት ማድረስ) የተደነገጉ ወንጀሎችን መሠረት በማድረግ የወንጀል ክስ ከፍቷል" ሲል የሩሲያ የምርመራ ኮሚቴ በዛሬው እለት ለስፑትኒክ ተናግሯል። ቅዳሜ ምሽት የኤፍፒቪ ሰዉ አልባ አውሮፕላን በዶንዬትስክ-ጎርሎቭካ (ሆርሊቭካ) አውራ ጎዳና ላይ ከሚገኘው የግንኙነት መስመር ርቆ በሚገኝ የሲቪል ተሽከርካሪ ላይ ጥቃት አድርሷል። የኢዜስቲያ ጋዜጣ ዘጋቢ አሌክሳንደር ማርቴሜያኖቭ የተገደለ ሲሆን የአርአይኤ ኖቮስቲ ዘጋቢ ማክሲም ሮማኔንኮ ጭንቅላቱን ተጎድቶ ራሱን በመሳቱ ሆስፒታል ገብቷል። የስራ ባልደረባው ሚካሄል ኬቭኪየቭ ደግሞ ሆስፒታል መግባት የማያስፈልገው ቀላል የጭንቅላት ጉዳት ደርሶበታል።በዶንዬትስክ የሚገኘው የብሎክኖት ጋዜጣ ሰራተኞች የሆኑት ስቬትላና ላሪና እና ኢዛቤላ ሊቤርማን በጥቃቱ ጉዳት የደረሰባቸው ሲሆን የህክምና እርዳታ እየተደረገላቸው ነው፤ ህክምናቸውንም ወደ ሆስፒታሉ በመመላለስ ይቀጥላሉ።ኮሚቴው አክሎም በወንጀሉ ውስጥ የተሳተፉትን የዩክሬን ኃይል አደረጃጀቶች የሆኑ ግለሰቦችን ለመለየት እና በወንጀል ተጠያቂ ለማድረግ ሁሉንም እርምጃዎች እየወሰደ መሆኑን ገልጿል።በእንግሊዘኛ ያንብቡ መተግበሪያውን አሁኑኑ ያውርዱ፦  APK ፋይል ሊንክስፑትኒክ ኢትዮጵያን ይወዳጁ @sputnik_ethiopia