በአሜሪካ በደረሰ የአውሮፕላን አደጋ ሁለት ሰዎች ሲሞቱ 19 የሚሆኑት ላይ ጉዳት ደረሰ

በአሜሪካ በደረሰ የአውሮፕላን አደጋ ሁለት ሰዎች ሲሞቱ 19 የሚሆኑት ላይ ጉዳት ደረሰ በደቡባዊ ካሊፎርኒያ አንድ ትንሽ አውሮፕላን 200 የሚጠጉ ሰዎች በሚገኙበት የቤት ዕቃ ፋብሪካ ውስጥ እንደተከሰከሰ የፖሊስ ቃል አቀባይ ክሪስቲ ዌልስ ተናግረዋል። በአውሮፕላኑ ውስጥ ይሁን በመሬት ላይ የነበሩ ግልፅ ባይሆንም፤ ሁለት ሰዎች ህይወታቸውን አጥተዋል። በአጠቃላይ 19 ሰዎች የተጎዱ ሲሆን ከእነዚህ ውስጥ አስሩ ወደ ሆስፒታል ሲወሰዱ፤ ስምንቱ ደግሞ በቦታው ህክምና እንደተደረገላቸው ዌልስ ገልጸዋል። አውሮፕላኑ ከዲስኒላንድ በአስር ኪሎ ሜትር ርቀት ከሚገኘው የፉለርተን ከተማ አውሮፕላን ማረፊያ ከተነሳ ሁለት ደቂቃ ባልሞላ ጊዜ ውስጥ እንደተከሰከሰ ተገልጿል። የአውሮፕላን ማረፊያው ሰራተኛ ክሪስ ቪላሎቦስ አብራሪው በቴክኒክ ችግር ምክንያት ወደ ኋላ ለመመለስ እንደወሰነ ለመገናኛ ብዙሃን ቢገልጽም፤ የአደጋው ትክክለኛ መንስዔ አልታወቀም።በእንግሊዘኛ ያንብቡ መተግበሪያውን አሁኑኑ ያውርዱ፦ APK ፋይል ሊንክስፑትኒክ ኢትዮጵያን ይወዳጁ @sputnik_ethiopia