ዩናይትድ ኪንግደም በቻጎስ ደሴቶች ስምምነት ላይ ከሞሪሸስ ጋር አለመግባባት ተፈጥሯል መባሉን ውድቅ አደረገች

ዩናይትድ ኪንግደም በቻጎስ ደሴቶች ስምምነት ላይ ከሞሪሸስ ጋር አለመግባባት ተፈጥሯል መባሉን ውድቅ አደረገች አዲሱ የሞሪሸስ ጠቅላይ ሚኒስትር ናቪንቻንድራ ራምጎላም ውሉ ላይ ጥያቄ ካቀረቡ በኋላ፤ የቻጎስ ደሴቶችን ወደ ሞሪሸስ ለማዛወር የተደረገው ስምምነት አደጋ ውስጥ ነው መባሉን፤ ዳውኒንግ ስትሪት ውድቅ አድርጓል። በጥቅምት ወር የተደረሰው የመጀመሪያ ስምምነት ዩናይትድ ኪንግደም በዲዬጎ ጋርሺያ የሚገኘው የጦር ሰፈሯን ለማስቀጠል ያስችላታል። በህዳር ወር ስራ የጀመሩት ራምጎላም፤ የሞሪሸስን ፍላጎት በተሻለ መልኩ ለማስጠበቅ ማሻሻያዎችን እንደሚሹ ገልጸዋል። ራምጎላም የስምምነቱ ረቂቅ በቂ አለመሆኑን በሞሪሸስ ፓርላማ መግለጻቻውን ተከትሎ፤ የመልስ ሃሳብ ለእንግሊዝ መንግሥት ቀርቧል። ጠቅላይ ሚኒስትሩ ሞሪሸስ ስምምነቱን ብትፈልግም ረቂቁ ግን በቂ አይደለም ብለዋል። የዩናይትድ ኪንግደም ባለስልጣናት የመልስ ሃሳቡን መቀበላቸውን እና ከአዲሱ የሞሪሸስ አመራር ጋር ውጤታማ ንግግሮች መቀጠላቸውን የእንግሊዝ መገናኛ ብዙሃን ዘግቧል። የዩናይትድ ኪንግደም ጠቅላይ ሚኒስትር ኪር ስታርመር ቃል አቀባይ፤ ስምምነቱ ተቋርጧል መባሉን ውድቅ አድርገው፤ የአመራር ለውጥ ሲደረግ ውሎችን እንደገና መጎብኘት የተለመደ ነው ማለታቸውን ዘገባው አመልክቷል። ዩናይትድ ኪንግደም ዲያጎ ጋርሲያ የሚገኘውን ጦር ሰፈሯን ከልኡላዊነት ጥያቄዎች እና ሕጋዊ ስጋቶች በመጠበቅ እንቅስቃሴዋን ማስቀጠል ላይ አተኩራለች።በእንግሊዘኛ ያንብቡ መተግበሪያውን አሁኑኑ ያውርዱ፦ APK ፋይል ሊንክስፑትኒክ ኢትዮጵያን ይወዳጁ @sputnik_ethiopia