የተለመደ ታሪክ አይደለም። ግን ሁሌም ከፍ ብሎ የሚደመጥ የኢትዮጵያ ልጆች ድንቅ የህክምና ገድል ነው። የጥቁር አንበሳ ስፔሻላይዝድ ሆስፒታል ተጣብቀው የተወለዱ ልጆችን በስኬታማ የቀዶ ህክምና እንዲለያዩ አድርጓል።
የሶቨርኒቲ ሶርስስ ፕሮግራም በዛሬው መርሃግብሩ ተጣብቀው ስለተፈጠሩ ህፃናት፣ በጥቁር አንበሳ ስፔሻላይዝድ ሆስፒታል የህክምና ቡድን ስለተደረገ ስኬታማ የቀዶ ህክምና በጥልቀት ለመወያየት የህፃኑ እናት ሙሉ ግርማን እና በሆስፒታሉ የጨቅላ ህፃናት ቀዶ ህክምና ክፍል ረዳት ፕሮፌሰር የሆኑት ዶ/ር አባይ ጎሳዬን አነጋግሯቸዋል።
ስለጉዳዩ ወ/ሮ ሙሉ ሲናገሩ፦
"ሲወለድ? እኔ አላወኩም ነበር። ከተወለደ በኋላ እዚህ ሲመጣ ነበር ተጣምሮ የተለወደ መሆኑን የተረዳሁት። እኔ ላየው አልቻልኩም። ቤተሰቤ በፍጥነት ይዘውት እዚህ መጡ። እኔ ግን አላየሁትም። ሰኞ ነበር የመጡት፣ እኔ ላየው የቻልኩት ቅዳሜ ነበር ።" ሲሉ ጉዳዩን መለስ ብለው ያስታውሳሉ።
ቀዶ ህክምናውን የመሩት ዶ/ር አባይ ስለሁኔታው ሲያስረዱ፦
"ከቀዶ ህክምናው በፊት የነበረው የሕፃኑ ሁኔታ ጥገኛ መንትያ ነበር። ይህ መንትያ ሁሉም ዓይነት የአካል ክፍሎች ያሉት ቢሆንም ትልቅ ጥገኛ መንትያ ነበር። [አንዳንድ የሰውነት] ክፍሎቹ ያልዳበሩ ሲሆን አንድ ጉበትን ይጋሩ ነበር" ብለዋል።
ቀዶ ህክምናውን ለማከናወን የተደረገውን ቅድመ ዝግጅት በተመለከተ ዶ/ር አባይ ሲናገሩ፡
"የሰውነት መዋቅርና ተያያዥ ጉዳዮችን ካጠናሁ በኋላ በዚህ ቀዶ ህክምና ስኬታማ ለመሆን ሙያው ትንታኔ ማድረግ ነበረብኝ። ስለዚህ አስቀድመን እቅድ አወጣን። የሰውነት ክፍሎችንና ሌሎች ነገሮችን በማጥናታችን ስኬታማ እንደምንሆን ስላወቅን ወደ ሥራው ገባን ።" ብለዋል።
ትልቁ ፈተና እና የተመዘገበው ስኬት፦
🔬🫀 ጥገኛው መንትያ ከዋናው ጋር አንድ ጉበት መጋራቱ የህፃኑ ጤና ሳይጓደል ጥገኛውን ማላቀቅ ፈታኙ ነገር ነበር። በዶ/ር አባይ የተመራው የህክምና ቡድን ግን ቀዶ ህክምናውን በስኬት አጠናቋል።
ይህ የሰው ልጅ ታሪክ ነው፣ ያውም ጥገኛ ተጣብቆበት የተወለደ ጨቅላ ታሪክ!
በቆይታችን ስለተነሱ አስገራሚ ታሪኮችና ታላቅ የቀዶ ህክምና ስኬት ለመረዳት ይህን የሶቨርኒቲ ሶርስስ ፕሮግራም እንዲከታተሉ ተጋብዘዋል።
ፖድካስታችንን በሌሎች አማራጮች ያድምጡ Apple Podcasts – Afripods – Deezer – Pocket Casts – Podcast Addict – Spotify