ኢትዮጵያ እና ሶማሊያ የአንካራውን ስምምነትን በቁርጠኝነት ለመፈጸም ተስማሙ

ኢትዮጵያ እና ሶማሊያ የአንካራውን ስምምነትን በቁርጠኝነት ለመፈጸም ተስማሙ የሶማሊያ ፕሬዝዳንት ሀሰን ሼክ ሞሐሙድ በኢትዮጵያ የስራ ጉብኝት ለማድረግ በትናንትናው እለት ኢትዮጵያ ገብተዋል። ጉብኝቱ በሁለቱ ሀገራት መካከል በቅርቡ የተደረገውን ስምምነት ተከትሎ የመጣ ነው። ኢትዮጵያ እና ሶማሊያ በራስ ገዟ ሶማሊላንድ ዙርያ የገቡበትን ዲፕሎማሲያዊ አለመግባባት በቱርክ ሸምጋይነት ባለፈው ወር በፈረሙት የአንካራ ስምምነት ፈትተዋል። የኢትዮጵያ ጠቅላይ ሚኒስትር ዐቢይ አሕመድ እና የሶማሊያ ፕሬዝዳንት ሀሰን ሼክ ሞሐሙድ፤ የሁለቱን ሀገራት የሁለትዮሽ ግንኙነት በተሟላ ዲፕሎማሲያዊ ውክልና ወደነበረበት ለመመለስና ለማጠናከር መስማማታቸውን በጋራ ያወጡት የአቋም መግለጫ አመልክቷል። ቀጣናዊ ግንኙነትን ለማሻሻል፣ የጋራ መግባባትን ለማሳደግ እና የጋራ ዕድገት እንዲመጣ የጋራ ጥረትን በማጠናከር በትብብር ለመስራት መግባባት ላይ ደርሰዋል። መተግበሪያውን አሁኑኑ ያውርዱ፦ APK ፋይል ሊንክስፑትኒክ ኢትዮጵያን ይወዳጁ @sputnik_ethiopia