ኢትዮጵያ ለአፍሪካ ሕብረት ግቦች እና ለፓን አፍሪካኒዝም እሳቤዎች ቁርጠኝነቷን አረጋገጠች

ኢትዮጵያ ለአፍሪካ ሕብረት ግቦች እና ለፓን አፍሪካኒዝም እሳቤዎች ቁርጠኝነቷን አረጋገጠች ከየካቲት 8 እስከ 9 የሚካሄደውን 38ኛውን የአፍሪካ ሕብረት የመሪዎች ጉባኤ እና ከየካቲት 5 እስከ 6 የሚካሄደውን የስራ አስፈፃሚ ምክር ቤት መደበኛ ስብሰባ ለማስተናገድ በዝግጅት ላይ የምትገኘው ኢትዮጵያ፤ ለአፍሪካ ሕብረት እና ለፓን አፍሪካኒዝም እሳቤዎች ያላትን ቁርጠኝነት እያሳየች ነው ሲሉ፤ በአልጄሪያ የኢትዮጵያ መልዕክተኛ አምባሳደር ሙክታር ሞሐመድ ዋሬ ለፒኦኤ ተናግረዋል። ሀገሪቱ ለአፍሪካ ሕብረት ግቦች ያላትን ቁርጠኝነት እና ይህን መሰል ትልቅ ስብሰባ በማዘጋጀቷ ኩራት እንደሚሰማት አጽንኦት ሰጥተው መናገራቸው ተገልጿል። የአፍሪካ ኢኮኖሚክ ኮሚሽንና የአፍሪካ ሕብረት ዋና መሥሪያ ቤት መቀመጫ የሆነችው አዲስ አበባ፤ ለዓለም አቀፍ ጎብኚዎቿ ደረጃውን የጠበቀ መስተንግዶ ለማቅረብ ከፍተኛ የመሠረተ ልማት ማሻሻያዎችን አድርጋለች። አምባሳደር ሙክታር የከተማዋ የታደሰ ገጽታ የኢትዮጵያን የፓን አፍሪካኒዝም ምልክትነት የሚያንፀባርቅ መሆኑን አንስተዋል። ይህ ታሪካዊ ጉባኤ ኢትዮጵያ በአህጉራዊ አንድነት እና እድገት የመሪነት ሚናዋን የበለጠ የምታጠናክርበት እድል መሆኑንም ጠቁመዋል። ዝግጅቱ ውጤታማ እንደሚሆን እምነታቸውን የገለጹት አምባሳደሩ፤ የኢትዮጵያን የነጻነት ታሪክ እና ለአፍሪካ የጋራ ለውጥ ያላትን ቁርጠኝነት የሚያመለክት መሆኑን አጽንኦት ሰጥተዋል።በእንግሊዘኛ ያንብቡ መተግበሪያውን አሁኑኑ ያውርዱ፦ APK ፋይል ሊንክስፑትኒክ ኢትዮጵያን ይወዳጁ @sputnik_ethiopia