ዩኔስኮ የጋዜጠኞች ደህንነት ላይ ያወጣውን ሪፖርት ሩሲያ እየተቃወመች ባለችበት ወቅት በሪፖርቱ ላይ ውይይት ሊቀጥል ነው

ዩኔስኮ የጋዜጠኞች ደህንነት ላይ ያወጣውን ሪፖርት ሩሲያ እየተቃወመች ባለችበት ወቅት በሪፖርቱ ላይ ውይይት ሊቀጥል ነው ተቃውሞ በገጠመው ሪፖርቱ ላይ በጋዜጠኞች ላይ የሚፈጸሙ ወንጀሎችን ያለመቀጣትን በተመለከተ ውይይት ለመቀጠል ለዛሬ ቀጠሮ ተይዟል።በጋዜጠኞች ላይ የሚፈጸሙ ወንጀሎችን በተመለከተ በዩኔስኮ የተዘጋጀው ሪፖርት የተሟላ አለመሆኑ ጉዳይ ከጎርጎሮሳውያኑ ህዳር 21-22 በፓሪስ በተካሄደው 34ኛው የኮሙኒኬሽን ልማት ዓለም አቀፍ ፕሮግራም ስብሰባ አጀንዳ ላይ ቀርቧል ሲሉ  በተባበሩት መንግስታት ድርጅት የሩሲያ ልዑክ ለስፑትኒክ ተናግረዋል።ከጎርጎሮሳውያኑ 2022 እስከ 2023 ያለውን የጋዜጠኞች ደህንነት የሚያትተው የዩኔስኮ ዋና ዳይሬክተር አውድሪ አዞላይ ሪፖርት በጋዜጠኞች ላይ የሚፈጸሙ ወንጀሎችን ያለመቅጣን ለማስቆም በተከበረው ዓለም አቀፍ ቀን የታተመ ሲሆን ሩሲያ እና በርካታ ሀገሮች በመቃወማቸው በታሪክ ለመጀመሪያ ጊዜ ወዲያውኑ ተቀባይነት አላገኘም። ሪፖርቱ በሥራ ላይ እያሉ ሆን ተብሎ በዩክሬን ወታደሮች የተገደሉ የሩሲያ ጋዜጠኞችን አልጠቀሰም ሲል በዩኔስኮ የሩሲያ ቋሚ መልዕክተኛ የሆኑት ሪናት አልያትዲኖቭ በህዳር ወር ለስፑትኒክ ገልጸዋል።የስፑትኒክ እናት ድርጅት የሆነው ሮሲያ ሴጎድኒያ  ዓለም አቀፍ መገናኛ ብዙኃን ግሩፕ ለአዙላይ በጻፈው ደብዳቤ፤ ዩኔስኮ በሩሲያ ጋዜጠኞች ላይ የሚደርሰውን የመብት ጥሰት መሸፋፈን እንዲያቆም ጠይቋል። ሪፖርቱ በተለይም በጎርጎሮሳዊያኑ ሀምሌ 2023 የሮስቲስላቭ ዙራቭሌቭ  ግድያን ጨምሮ በሩሲያ ጋዜጠኞች ላይ የተፈጸሙ በርካታ የሞት እና የአካል ጉዳት ኩነቶችን አላካተተም ብሏል።በሩሲያ የጋዜጠኞች ህብረት እና በሩሲያን ብሮድካስተር (ራቲ) ተመሳሳይ ደብዳቤዎች ተልከዋል።በእንግሊዘኛ ያንብቡ መተግበሪያውን አሁኑኑ ያውርዱ፦ APK ፋይል ሊንክስፑትኒክ ኢትዮጵያን ይወዳጁ @sputnik_ethiopia