ሩሲያ እና ዚምባብዌ ከቪዛ ነጻ ጉዞ ስምምነት ህዳር ወር ላይ ለመፈራረም እንዳሰቡ ተገለጸ

ሩሲያ እና ዚምባብዌ ከቪዛ ነጻ ጉዞ ስምምነት ህዳር ወር ላይ ለመፈራረም እንዳሰቡ ተገለጸ በሩሲያ እና ዚምባብዌ መካከል የመንገደኞች እንቅስቃሴን ለማሳደግ ያለመው ከቪዛ ነጻ የጉዞ ስምምነት አየተጤነ እንደሆነ እና በፈረንጆቹ ከህዳር 5 እስከ 7 በሞስኮ በሚካሄደው አምስተኛው የሁለትዮሽ የበይነ መንግሥታት ኮሚሽን ስብሰባ ላይ ሊፈረም እንደሚችል በዚምባብዌ የሩሲያ አምባሳደር ኒኮላይ ክራሲልኒኮቭ ተናግረዋል። በአሁኑ ወቅት ወደ ዚምባብዌ ለመግባት የሚያስችለው የአንድ ግዜ የመግቢያ ቪዛ በድንበር መተላለፊያ በ30 ዶላር ክፍያ ይገኛል። በሩሲያ እና ዚምባብዌ መካከል ያለው የመንገደኞች ፍሰት ውስን በሆነ የበረራ አማራጭ እና ከፍተኛ የቲኬት ዋጋ ዝቅተኛ ቢሆንም ዚምባብዌ የቱሪዝም መሠረተ ልማቶችን በማዳበር በተለይም በቪክቶሪያ ፏፏቴ የሩሲያን ቱሪስቶች ለመሳብ ፍላጎት አሳይታለች። ሩሲያ ከበርካታ የአፍሪካ ሀገራት ጋር ቪዛን በጋራ ለመሰረዝ ፍላጎት እንዳላት ከዚህ በፊት ገልጻለች።ዜናውን በእንግሊዘኛ ያንብቡ መተግበሪያውን አሁኑኑ ያውርዱ፡- ለ iOS በአፕ ስቶር ለአንድሮይድ ስልኮች በGoogle Play ወይም በዚህ APK ፋይል ሊንክ ስፑትኒክ ኢትዮጵያን ይወዳጁ @sputnik_ethiopia