ሩሲያ እና የአፍሪካ ህብረት ግንኙነታቸውን በሰላም፣ ደህንነት እና ልማት መስክ ለማጠናከር ተስማሙ

ሩሲያ እና የአፍሪካ ህብረት ግንኙነታቸውን በሰላም፣ ደህንነት እና ልማት መስክ ለማጠናከር ተስማሙ የሩሲያ የውጭ ጉዳይ ሚኒስትር ሰርጌ ላቭሮቭ ከአፍሪካ ህብረት ኮሚሽን ሊቀመንበር ሙሳ ፋቂ ማሃማት ጋር ትናንት ማክሰኞ በሞስኮ ተገናኝተዋል። ውይይቱ በርካታ ጉዳዮችን አካቶ በሩሲያ እና አፍሪካ ህብረት መካከል ያለውን ትብብር ማጠናከር ላይ ያተኮረ እንደነበር ተገልጿል። ሁለቱም ወገኖች በአህጉሪቱ ሰላም፣ ደህንነት እና መረጋጋትን ለማጠናከር ያላቸውን ቁርጠኝነት ገልጸዋል። በተለይም በአፍሪካ ህብረት እና በዩሬዥያ የኢኮኖሚ ህብረት ማዕቀፍ ኢኮኖሚያዊ ግንኙነታቸውን ለማጠናከር ያላቸውን የጋራ ፍላጎት አመልክተዋል። ሩሲያ "ለአፍሪካውያን ችግሮች አፍሪካውያን መፍትሄዎችን" እንደምትደግፍ እና ከአፍሪካ ህብረት ጋር በዓለም አቀፍ መድረኮች ለመተባበር ዝግጁ መሆኗን ገልጻለች። ስብሰባው በሶቺ ለሚካሄደው የሩሲያ-አፍሪካ ፎረም የሚኒስትሮች ጉባኤ እየተደረገ ያለውን ዝግጅትም ተወያይቷል። ስፑትኒክ ኢትዮጵያን ይወዳጁ @sputnik_ethiopia