የኢትዮጵያ ሲቪል አቪዬሽን ባለስልጣን የአቪዬሽን ዘርፉን ለማዘመን ትልቅ አላማ ያለው ፕሮግራም አስጀመረ

የኢትዮጵያ ሲቪል አቪዬሽን ባለስልጣን የአቪዬሽን ዘርፉን ለማዘመን ትልቅ አላማ ያለው ፕሮግራም አስጀመረ የምስራቅ አፍሪካዊቷ ሀገር በዓለም የአቪዬሽን ኢንዱስትሪ ቀዳሚ ተዋናይ ለመሆን ትልም በመያዝ በአቪዬሽን ዘርፍ ትልቅ የለውጥ እንቅስቃሴ ጀምራለች። የትራንስፖርትና ሎጅስቲክስ ሚኒስትር ደኤታ ዴንጌ ቦሩ ማክሰኞ በተካሄደው የመክፈቻ ፕሮግራም ላይ እንደተናገሩት የለውጥ ፕሮግራሙ እያደገ የመጣውን የአየር ትራንስፖርት ፍላጎት እና ከአዳዲስ ቴክኖሎጂዎች ጋር የሚመጡ ፈተናዎችን ለመፍታት እና ደንቦችን ለማዳበር ያለመ ነው። በኢትዮጵያ ዓለም አቀፍ ደረጃውን የጠበቀ የአቪዬሽን ኢንዱስትሪ ለመመስረት ያለውን ጠቀሜታ ግንዛቤ ውስጥ በመክተት የትራንስፖርትና ሎጅስቲክስ ሚኒስቴር ፕሮግራሙን ለመደገፍ ቁርጠኛ መሆኑን ደንጌ ቦሩ በአብክሮ ተናግረዋል። የኢትዮጵያ ሲቪል አቪዬሽን ባለስልጣን ዋና ዳይሬክተር ጌታቸው መንግስቴ በበኩላቸው የትራንስፎርሜሽን ፕሮግራሙ ዓለም አቀፍ ተወዳዳሪነትን ማሳደግ፣ ለወደፊት ተግዳሮቶች የመቋቋም አቅምን ማጎልበት እንዲሁም ከአዳዲስ ቴክኖሎጂዎች ጋር አብሮ መጓዝን ጨምሮ በርካታ ትልሞችን እንደሚያካትት ገልጸዋል። እንደ እርሳቸው ገለጻ በአየር ትራንስፖርት ልማት፣ ጥገና፣ እድሳት እና ምርመራ፣ የአየር መንገድ ልማት እና በግሉ ሴክተር ኢንቨስትመንት የኢትዮጵያን አቅም መጠቀምንም ይመለከታል። ባለድርሻ አካላት በንቃት በመሳተፍ ለፕሮግራሙ ስኬት የበኩላቸውን አስተዋጽኦ እንዲያደርጉ ዋና ዳይሬክተሩ ጥሪ አቅርበዋል። ስፑትኒክ ኢትዮጵያን ይወዳጁ @sputnik_ethiopia