የሳድክ መሪዎች የሻሾ ሰዎችን መብት የሚያስጠብቅ መግለጫ በሙሉ ድምፅ አጸደቁ

የሳድክ መሪዎች የሻሾ ሰዎችን መብት የሚያስጠብቅ መግለጫ በሙሉ ድምፅ አጸደቁ በዚምባብዌ ሃራሬ በተካሄደው 44ኛው የሳድክ መደበኛ ጉባኤ የደቡብ አፍሪካ ልማት ማህበረሰብ አባል ሀገራት መሪዎች ፈርመው ያጸደቁት መግለጫ በቀጠናው የሚገኙ ሻሾ ሰዎች የሚገጥማቸውን የተለያዩ ችግሮች ለመፍታት ያለመ ነው። “የመሪዎች ጉባኤው የሻሾ ሰዎች ጥበቃ መግለጫን ማጽደቅ እና መፈረሙ የሳድክ አባል ሀገራት ሻሾ ሰዎች የሚያጋጥሟቸውን ተግዳሮቶች ለመፍታት በክልላዊ እና በሀገር አቀፍ ደረጃ አስፈላጊ እርምጃዎችን ለመውሰድ የጋራ ቁርጠኝነታቸውን የሚያመለክት ነው" ሲል የጉባዔው መግለጫ አስነብቧል። በቀጠናው ሻሾነት ያለባቸው ግለሰቦች ሰፊ መገለልና መድልዎ፣ የጤና እና የትምህርት ተደራሽነት ውስንነት እና ማህበራዊ እና ፖለቲካዊ መገለል ከሚያጋጥሟቸው ፈተናዎች ውስጥ ይካተታሉ። ሳድክ በሻሾ ሰዎች ላይ የሚደረጉ ጥቃቶች እና በደሎችን በተከታታይ ያወግዝ የነበረ ሲሆን ያጸደቀው መግለጫ የእነዚህን ሰዎች ሰብዓዊ መብት ለማስጠበቅ ቁርጠኝነቱን ያሳየ ነው ተብሏል። ስፑትኒክ ኢትዮጵያን ይወዳጁ @sputnik_ethiopia