የሐምሌ 14 ረፋድ ዋና ዋና የአለም ዜናዎች የናይጄሪያው ዳንጎቴ ማጣሪያ ድፍድፍ ዘይት ለመግዛት ከሊቢያ እንዲሁም ከአንጎላ አቅራቢዎች ጋር እየተደራደረ መሆኑ ተገልጿል። የኩባንያው ሥራ አመራር በቂ የሀገር አቅርቦት አለመኖሩን መግለጻቸውን ተከትሎ መሆኑን ምንጮችን ጠቅሰው ዘግበዋል። የታንዛኒያ ፕሬዝዳንት፤ የውጭ ጉዳይ እና የኢንፎርሜሽን እና ቴክኖሎጂ ሚኒስትሮቻቸውን ማሰናበታቸውን የፕሬዝዳንቱ የህዝብ ግንኙነት ተጠባባቂ ዳይሬክተር ገለፁ። የሱዳን የሽግግር መንግስት ሉዓላዊ ምክር ቤት ሊቀመንበር አብዱልፈታህ አል ቡርሃን የአዲሱን የኢራን አምባሳደር የሹመት ደብዳቤ በፖርት ሱዳን ተቀብለዋል። የሁለቱ ሀገራት የዲፕሎማሲያዊ ግንኙነት ለስምንት ዓመታት ተቋርጦ ነበር። የኬንያው ፕሬዝዳንት ሩቶ ሃይል የቀላቀሉ የተቃውሞ ሰልፎችን እንደማይፈቅዱ አስታውቀዋል። እንዲህ ዓይነቱ ተቃውሞ በተለያዩ የሀገሪቱ ክፍሎች የሚኖሩ ዜጎችን ተነግሮ ለማያልቅ ስቃይ ዳርገዋል ብለዋል። የዋይት ሀውስ ከፍተኛ ባለስልጣንን ጠቅሶ ሲ ኤን ኤን እንደዘገበው ባይደን ከፕሬዝዳንታዊ ውድድር ለመውጣት የወሰኑት ውሳኔ ከጤና ሁኔታቸው ጋር የተያያዘ አይደለም ብሏል። የዩናይትድ ስቴትስ ፕሬዚዳንታዊ ዕጩ ዶናልድ ትራምፕ ከምክትል ፕሬዝዳንት ካማላ ሃሪስ ወይም ከማንኛውም የዴሞክራቲክ እጩ ተወዳዳሪ ጋር ክርክር ለመግጠም ዝግጁ መሆናቸውን አስታውቀዋል። በጥቂት ሰዓታት ውስጥ አሜሪካውያን ለካማላ ሃሪስ ፕሬዚዳንታዊ ዘመቻ 46.7 ሚሊዮን ዶላር መለገሳቸውን አክትብሉ (ActBlue) የተሰኘ የገቢ ማሰባሰቢያ ፕላት ፎርም አስታውቋል። የጀርመን ውጭ ጉዳይ ሚኒስቴር ትራምፕ ወደ ኋይት ሀውስ ሊመለሱ ከቻሉ በሚል ለመዘጋጀት እንዲረዳ "የቀውስ ጊዜ ቡድን" ማቋቋማቸውን ፋይናንሺያል ታይምስ ጽፏል። በአንድ ምሽት 75 ሰው አልባ አውሮፕላኖች በሩሲያ ግዛቶች ውስጥ ተጠልፈው መውደማቸውን እና ግማሽ ያህሉ በሮስቶቭ ክልል የተመቱ መሆናቸውን የሩሲያ መከላከያ ሚኒስቴር አስታውቋል።ስፑትኒክ ኢትዮጵያን ይወዳጁ @sputnik_ethiopia