በአፍሪካ የሩስያ ቋንቋን የመማር ፍላጎት "በከፍተኛው" እየታየ እንደሆነ የትምህርት ሚኒስቴር አስታወቀ

በአፍሪካ የሩስያ ቋንቋን የመማር ፍላጎት "በከፍተኛው" እየታየ እንደሆነ የትምህርት ሚኒስቴር አስታወቀ "ዝንባሌው እየጨመረ ነው፤ እውነተኛ ፍላጎት እያየን ነው፤ አፍሪካ ውስጥ በምንቀሳቀስባቸው ማእከላት አፍሪካውያን መጥተው ለመማር ከፍተኛ ጉጉት ያሳያሉ። ህፃናት፣ አዋቂዎች፣ የኢኮኖሚ ዘርፉን የሚወክሉ በርካታ ሰዎች ይመጣሉ። በቅርብ ዓመታት ዝንባሌው በጣም ጨምሯል። እያወራን ያለነው ባለፉት 2 እና 3 ዓመት ነው" ሲሉ የሩስያ ምክትል የትምህርት ሚኒስትር ዴኒስ ግሪቦቭ ከ #SPIEF2024 ጎን ለሩስያ መገናኛ ብዙሃን ተናግረዋል። አክለውም፤ አልጄሪያ ውስጥ ብቻ የሩስያ ቋንቋ ማዕከል በተከፈተበት ወቅት፤ በቀን 4,000 የሚጠጋ የሥልጠና ማመልከቻ ይገባ እንደነበር ጠቁመዋል። የሩሲያ የትምህርት ሚኒስቴር እንደገለጹት፤ በአሁኑ ወቅት ከአፍሪካ ሀገራት የመጡ 37,000 ተማሪዎች በሩስያ ዩኒቨርሲቲዎች ትምህርት እየተከታተሉ ሲሆን፤ 200 የሚሆኑት ደግሞ ኮሌጆች ውስጥ እየተማሩ ይገኛሉ። በአጠቃላይ፤ በአፍሪካ ሀገራት የሩስያ ቋንቋን የሚያስተምሩ 30 የሚሆኑ ማዕከላት ይገኛሉ። ስፑትኒክ ኢትዮጵያን ይወዳጁ @sputnik_ethiopia