የሴኔጋል የሲቪል ማህበረሰብ ድርጅቶች ዩክሬን በማሊ ቲንዛዎቴን ክልል ለደረሰው የሽብር ጥቃት የሰጠችውን ድጋፍ አወገዙ

የሴኔጋል የሲቪል ማህበረሰብ ድርጅቶች ዩክሬን በማሊ ቲንዛዎቴን ክልል ለደረሰው የሽብር ጥቃት የሰጠችውን ድጋፍ አወገዙ 9 የሴኔጋል ሲቪል ማህበራት በጋራ ባወጡት መግለጫ "እኛ የሴኔጋል የሲቪል ማህበረሰብ ድርጅቶች ዩክሬን ለአሸባሪ ቡድኖች የምታደርገውን ድጋፍ እያወገዝን የሴኔጋል ባለስልጣናት ኃላፊነታቸውን እንዲወጡ እንጠይቃለን" ማለታቸውን ስፑትኒክ አፍሪካ ያገኘው የመግለጫው ቅጂ ያሳያል። እ.አ.አ. ሐምሌ 25 አንድ የአሸባሪ ቡድን ክፍል በማሊ ጦር እና የሩሲያ ወታደራዊ አሰልጣኞች ላይ በማሊ ቲንዛዎቴን ክልል ባደረሰው ጥቃት ብዙዎች ተገድለዋል። በምላሹም የማሊ እና የቡርኪናፋሶ መከላከያ ሃይሎች ለጥቃቱ ተጠያቂ በሆኑት ታጣቂዎች ላይ ተከታታይ የአየር ጥቃት በማድረስ አንድ ከፍተኛ የሽብር መሪን ጨምሮ በርካቶችን ገድለዋል። ፈራሚዎቹ እንዳሉት፦ ኪዬቭ አሸባሪ ቡድኖችን ትደግፋለች በማለት የዩክሬን የስለላ ድርጅት ቃል አቀባይ አንድሬ ዩሶቭ የሰጡት መግለጫ በኢንተርኔት ተሰራጭቷል። በሴኔጋል የሚገኘው የዩክሬን ኤምባሲ በማህበራዊ ሚዲያ ባሰራጨው ቪዲዮ ዩሶቭ "በእዚህ ግጭት አውድ ዩክሬን አማፂያኑን ትደግፋለች" ሲል ተናግሯል። "በዳካር የሚገኘው የዩክሬን ዲፕሎማሲ በማሊ ግዛትም ሆነ በማንኛውም የአፍሪካ መንግሥት ላይ የፕሮፓጋንዳ ዘመቻ ማካሄዱ ተገቢ አይደለም" ሲል መግለጫው አትቷል። ድርጅቶቹ “በምዕራቡ ዓለም የገንዘብ ድጋፍ በሚደረግላቸው እና በሚሰለጠኑ አሸባሪ ቡድኖች” በተካሄደው ጥቃት አውድ የሳህል ቀጠና “አስጊ” የፀጥታ ሁኔታን አውግዘው ለማሊ ጦር እና ለሳህል ሀገራት ጥምረት የመከላከያ ኃይሎች ድጋፋቸውን ገልጸዋል። ስፑትኒክ ኢትዮጵያን ይወዳጁ @sputnik_ethiopia